*ما يطعن الرجال بين القرابة
*
..
*******************************
..
السلام عليكم ورحمة الله وبركاته
..
ما يطعن الرجال بين القرابة
..............طعنة ظهر تشفي غليل القريبين
..
ياكود صاحب جيت له صك بابه
..............وانت قبل لاجله خسرت الموالين
..
او خنجر في ظهر رجل المهابه
..............حداه عن .. رد النقا قرة.. العين*
..
الله ولا صحبة ضعيف المجابه
..............علومه كبار وحزة الفعل. مايبن*
..
السيف قالوا ما يشيله نصابه
...............لو كان له نصاب يسوى.. نصابين
..
ما يشيله الا من في كفه صلابه
..............والا عقيد ساعده يقض.. الدين
..
والوقت مايطحن بضرسه ونابه
...............رجل مكانه عند باب السلاطين
....
ما يطحن الا من عزيز جنابه
...............نفسه عزيزه لو عطوه الملايين
..
ياكم بيت في عيونك خرابة
...............وبناه عامر من يدين. الكريمين
..
و ياكم قصر ما لمثله مشابه
..............لكن خرابة من يدين.. البخيلين
..
لا احد يقول ان القرابة حرابة
.............والخير فعله عند ناس ..بعيدين
..
الشر فعله من زمان الصحابة
..............والخير باقي مابقى فالبشر دين
..
*******************************
..
وسلامتكم