قال المثل مايبي عز النهار لشهود = ينشاف من صاحي الناس ومهابيلها
ومن سخّر الجن والنسناس لبن داؤود = سخرلي الشعر مع فارق تماثيلها
احكم بيوت القصايد مثل حكم السعود = واخذ من شعاره المعروف تاويلها
يفصل مابين الهزل والجزل حد محدود= في يوم روس العرب تظهر مفاعيلها
من سطوته لا سطا يخلي عرين الاسود = يظهر حفيز السراجيف ومحاصيلها
في سد ظلع الزناتي راجفات الرعود = وعبله عطت عنتر العبسي خلاخيلها
والمدح لهل الفعل من عصر عاد وثمود = وصليب الاشوار موجزها وتفصيلها
وحنا هل الفعل والهيبه وساس الجدود = مثل الجبال الرواسي صعب تمييلها
عدونا عاقلينه في عقال القعود = قدام لاتزهمه بقعا وياتيلها
نعرف وش اللي ورى ضلع الخصيم اللدود = واهل المحابيل تاقع في محابيلها
وبقدامنا ندوس فوق رقاب لوجيه سود = ياعود من عرض حزمه ويش باقيلها
صديقنا دايمن بالعز يرقى سنود = نبخص رجال الوفا ماتبخس بكيلها