الله يامغنى عن الربـع الادنيـن=يا مسيل وادي المحل بارشاشـي
امسيت انا قلبي حاير بين دربين=لاصار بين الدولتيـن اختراشـي
لاصار حظك طيب والسعد زين=العافية والشوف والرزق ماشي
الزين زين ومقطع الزين من زين=واللاش لاش ومقطع اللاش لاشي
ماهي سوالف مسردن بالدواوين=دفش الدفـوش دفشـا دفـاشـي
صارت عيال صليب تشرى بعارين=وانا ثمان سنين مادركت حاشـي
لاجاء شهرنا حضبونا هل الديـن=دينـار والدينـار تالىمعـاشـي
قصيدة جزلة كيف لا وهي من شاعر جزل رحمه الله وأسكنه فسيح جناته.
والله يعطيك العافية على الطرح.
وياليت لو تجمع لنا قصائده رحمه الله.
بارك الله فيك