يالعطاوي مرحبا مثل الشهد = عند ناسٍ ماتغير ودها
لاحضر لغزك نقوم ونجتهد = السيوف البيض نرهف حدها
بعدها ياصاحبي جاك الرعد = صوغتك هاليله اسمع ردها
ملتوي لغزك ومحكوم العقد = ذبحته يمين ماني قدها
لانظر به واحدٍ مثلي شرد = ديرته ماعاد ينزل خدها
وين رجلٍ بالمعاني يجتلد = بندقه تصيب لامن مدها

البقا ياطير ياطير السعد =ياحرارٍ مايخيّب هدها
اللغوز أشوف شاعرها زهَد =عشّها ياذيب ولاّ غدها
لوعقدت اِحبالها غيري يشد =تاصل العزوَه ذخاير جدها
والرعد ياصل دنينه فالبلد =والبلد دونك حماها حدها
لغزنا من غير متعوب وجهَد =يفتل المنقوض وينقض ردها
والجواب اللي يجي منكم سند =رمعةٍ فالبال قلْها بدها
واكفخ الجنحان ياطير السعد =الصعايب مالها ألاَّ ضدها
ذا كلام اللي لكم عون وسند =لاحضر عند اللوازم سدها