جيت ابا شوف وش عند السهيل المسمّا = واصطبحت بنجوم اعز وارفع مكانه
ويالنجوم اللوامع بالعلو الاشما = كم رجلاْ بحشمة رجل محشوم شانه
من سعى بالعلوم الطيبه مايذمّا = عند كل الرجال اهل الوفا والامانه
ومن سعى بالعلوم الثانيه يستهمّا = بالجما يعقد الجبار عظمة لسانه
وشخص يسعى بنفاق وهرج غيبه ونمّا = خارجن عن صواب الراي خاسر رهانه
عده البن بالفنجال لاقلت سمّا = واكرم السامعين اهل النظر والرزانه
من رفيع السجايا علم مايستغمّا = مثل عد الروى المتفرد بريهجانه
وعلم ماقل دل بكيف ماهو بكمّا = والصحيح بمحله والصواب بمكانه
وانت ياطيب السيسان قولك مهمّا = عن صواب الخبر ماقفّل الحر اذانه
وابشر اني معك في حسن ظنك واتمّا = وابشر اني عن الزلات عندي حصانه
ما استعنا بغير منزّل ايات عمّا = ولا اقتدينا بغير اللي بعث بالديانه