الخير ذكره ياوجه الخير له طلة = عساه دايم معك فالخير مشواري
تثمر زروع الوفاء يادارس الملة = ياواحة الوصل يمك تجري انهاري
فنجال كيفك وفاي وطيبيك الدلة = وعلومك تسر جعل اتسرك اخباري
عندك ظروف ومشاغل مالية السلة = تناثرت ماكساها وقتك العاري
لو كان ما اطريتها ياراعي الفلة = معذور دام اتجاهك سيره اجباري
وانا ظروفي معك لاشفتها شلة = تلقى المشاغل مطايا تحمل اعذاري
لجل الحقايق جلية خالية الزلة = وانتا بها ياعزيزي خابر وداري
العام قِيضكّ غلبك وجيت لك ظِلة = ودي تجي ظِل قيضي عامي الجاري
واللي زرع في زمانه يحصد الغلة = وانا وهبتك هدية غلة اشعاري