هلا يامرحبا مثل الجواهر ماعليها اغبار=
=يفوح الطيب منها والوفى مرفوعه اعلامه
تراحيب المطر وملبسه بالماس عقد اصوار=
=عدد من زار مكه والمدينه لابس احرامه
ياراع الطيب والمعروف ياحرٍ من الاحرار=
=صناديد الرجال اللي لهم بين العرب قامه
نيابه عن قبيلة حرب درعي سيفي البتار=
=حزامي يوم كلٍ بالمواقف يكرب احزامه
عوايدنا مانبخص حق من جانا من الزوار=
=له التقدير منا والوفى والطيب وكرامه
من ايام السلف فينا ثلاثه تقل ريح ابهار=
=بها كلن درى في نجد واللي ينزل تهامه
خوي الجنب دونه ماندور بالزمان اعذار=
=حكايه باليمن سولف بها الشامي على شامه
وقصير البيت من شانه نسوق المال والاعمار=
=فدينا جارنا يوم المعادي صدر احكامه
لنا مشهود نحذي من كرمنا نسع الازوار=
=حقايق ماجهلها غير حاسد عاش بوهامه