حداية الشاعر محمد عاتق الانصاري وخوياه إلى قبيلة بشر
في زواج الملازم اول مهندس / مشعل بن نويم مسيب البشري
يوم الاربعاء 25/ 5 / 1435 هـ

سلام ياقصرن على بني الوفا والمجد باقي =
فيه الرجال اللي تكمل كل واجب بالوثاقي =
وإنعم وسبع انعام يابشر الكرم والبيت راقي =
جينا بعد جتنا الدعية من رجالن غانمين =
قبيلة الأنصار من عهد الرسالة بالحقاقي =
تاريخنا واضح سوات النور فالأكوان ناقي =
لأصجابنا وارحامنا تبقى المودة بإشتياقي =
والصاحب الغالي نعزه كل وقت وكل حين =

يامرحبا ترحيبةٍ مثل العسل حلو المذاقي =
ترحيبةٍ معها دلال الكيف والفنجال ساقي =
بأصحابنا اللي شرفوا وبشوفهم زان التلاقي =
الله يحييكم على التكميل والمد الثمين =
وإنعم 0 وحنا بشر والامجاد معها في عِناقي =
وللعز ريع ومجدنا في قمته اشرف و واقي =
والطيبة بيناتنا ماتنقطع تجري سواقي =
نفرح بشوف اصحابنا ونعزهم طول السنين =