عسى الخيال اللي علينا تراكم = يرعد ويبرق ثم يمطر سحابه
ويشفي القلوب اللي بها الهم والغم = ويسقي البقيع اللي بوسطه صحابه
من بعد ماكانو على دار الارقم = حطو عليهم اهل مكه رقابه
لعل لاجات المخيله تديًم = تروي قبور اهل الشرف والمهابه
دارن سكنها المصطفى طه الاكرم = هاجر لها واستقبلته برحابه
وغنو له اهل الدار والناس تلتم = يومن له التاريخ يحسب حسابه
من فرحة الانصار تبني وتهدم = كلن يبي يستقبله في رحابه
لاكن بامر الله ناقه تحكًم = حطًت على الارض الشريفه ركابه
وانطلقت الدعوه على خير ماتم = في منهج السنة ومنهج كتابه
دارن غلاها يجري بداخل الدم = انشد غلا طيبه على اهل طابه
هي منوة المسلم وزاير ومحرم = اسأل جميع الخلق تلقى الاجابه
والحمدلله بخيرها عايش انعم = ساكن على شارع رسولي مشابه
مرتاح عايش جاري الجار الاعظم = نفدا نبي الله ونفدا ترابه
لو كان ماحولي خوالن ولاعم = جيرة رسول الله تساوي القرابه
لاكن زمانك لو صفى عاد غيًم = جانا الخبر من يوم شفنا الكتابه
مشروع واصلنا مديره مصمًم = اعلن على باب المجيدي حرابه
يبغى الفنادق في محلي تزاحم = غنًو له التجًار قوس الربابه
في طلعة الكومه بدا ثمً حطًم = سلع المبارك جرًدوله ثيابه
لين العطن والسًيح قامت تألًم = وفي تلعة البرًي تشوف الكئابه
كلن من الجيران صابر ويحلم = ويموت حلمه لانظر جنب بابه
يبغى النًجاه من المشاريع والهم = ماهمًه التعويض داخل حسابه
بعد الاراضي يابشر مرً علقم = وين المكان اللي يجي بالنًيابه
ياسلع انا ببكيك من قبل تقسم = قبل الصباح يغيب ويعلن غيابه
من غزوة الخندق وانتا مكرًم = حامي رسول الله وحامي الصحابه
واليوم جات الات تحفر وتردم = جابو معدًاتن تزيل الصًلابه
من صنع دوله بالمسيره تقدًم = لاجات فوق البيت صاير خرابه
ماعاد ينفع لو بغينا نرمًم = مستعمرات القدس معنا تشابه
ياسلع ودًعتك واسلم وسلًم = على ليال الانس ويًا الطًرابه
والخاتمه من وينا رحنا بنندم =لين القصور تعيش معنا بغرابه