يابو الحميدي جتك مني رساله=من خاطرٍ وصل الزعل فيه تيمه
لولا الخطايا ماشكيت انفعاله=وجهت نظر كان الصداقه حميمه
كلٍ يبا المكسب ورا راس ماله=لاشك يردع راعي العقل شيمه
من يقتصر عن حق غيره عداله=ولاكل غلطه تستحق القسيمه
بين طموح وبين حق الزماله=عوجاك لاتمشي كما المستقيمه
والله مالوم اللي شقاء بالرجاله=كلٍ يورا له بكسب الغنيمه
واللي يفرق بأيمنه من شماله=ياخذ ولا يصل الكبار الجسيمه
والظفره اللي بالقريب رفاله=ألاً انها عدت وصارت يتيمه
وكنزالقناعه مايجي بالحياله=والناس دون حقوقها مهي نيمه
وان أزعلتك السالفه بالأ طاله=ودي تغير بالسلوب القد يمه
الرجل مهو بالمكانه لحاله=مايصير لك قيمه وانا لي قيمه
والعيب ماهي نشد تي عن حواله=العيب قولت منت خيال ريمه
نقدر نقول المحترم وش با له=مال الشعاف الا رشوش العزيمه
واللي يناقشني عليً بقباله=وانا احمد الله كلنا من وسيمه
ولا بك قصور اليا تصد يت قاله=نيشان خصمك تظربه مع صميمه
والحق مع راعيه ماهو ختاله=ودي تقبلها وعلمي تريمه
والعبد يعطيه الولي قد اماله=امأ كتب له خير ولاً جريمه
ياهن تاج الراس حيه ارجاله=والعز والناموس ربك يديمه
حط الرشا من فوق وسق المحاله=والصب خله فوق راس المحيمه
في خاطري علمٍ (ن)فتحنا مجاله=يعلها من بعد ذيه عقيمه
دام الشداد ينوش صدرك غزاله=من فوق شيرازٍ(ن) صفاته عديمه
مهي غريبه تشغره بالوكاله=وتحط لحداث المقادير بيمه
ان جازلك والا ترا الا ستقا له=ماكل يومٍ ضارب لك خريمه
[/poem]




الشاعر / غازي الزغيبي[/