ارجوك يانشاد كف السوالي=واعطيك روس اقلام مالك مهونه
ياعل مافالك مسى اليوم فالي=علمٍ فجعني بالمساء تيلفونه
خلاني اصفق في يميني شمالي=وأهني اللي راح مايعرفونه
كني معلم في فجيعه إعيالي=واللي كذ ب ياعل بقعا تخونه
ماكن غيره لي رجلٍ صفالي=ولكن ساعات العمار محتونه
من شده المآساه كلش طرالي=ماأحسب رجالله يسمي اليل دونه
حملٍ نقلته من وفاته خيالي=الله يساعدني على مر كونه
ياريض يوم به يبين أبتهالي=ياوقي العثرات قملي بعونه
فقيدته ماهي عليه لحالي=قبيله واهل الادب يفقدونه
رجل مثالي لاوصفة المثالي=سور القبيله واحد من أركونه
شخصيه تنعد بين الرجالي=سد منيع وراسيات أحصونه
يدلي ويحسب للقوافي مدالي=يبقض وفتله ماتحلل أمنونه
له شهرهٍ مثل العلم فوق عالي=ومن كل خصله يتضحبه نمونه
فيه الصخا والصدق ولاحتمالي=وعقلٍ لياجا بالرجل زان لونه
طير الثلاث والـلاٍله الكمالي=متنهض الجنحان عدله امتونه
يهدا على اصحاب السمو والمعالي=وفي كف نايف شفت شكله ولونه
[/poem][/QUOTE]