المشاركة الأصلية كتبت بواسطة خليجي نت

	عن اذنك ابوهليل يالكحيله توقعي تكفين بالاجابه وشاهدي هذا الشطر لايوصف به الرسول واصحابه سؤن على الـي ساكـنٍ فـي بلدهـم

الله من قلبه هجوسه تتله = تلة قطيع(ن) شالعينه مضايين
غارو عليه العصر في مرتع له = واقفوا عليه من المضامي مجفين
من فوق قب(ن) كنهن الاهله = مهار(ن) يشادن هاويات الشياهين
ولحق الجنب ويا الطلب مردف له= ورد ام عيا عن ردة البوش مزريين
وحالوا عليها ناطحين الشكله = ربع(ن) على نطح الطوابير ضاريين
وكل على الموت الحمر موميله = ليا شان منطق شاربين الغلاويين
أهل البتيرا والسيوف المضله = سون على الجمع الموالي وشرسين
أخوان جوزاء كان بالوضع خله = يثنون عند الجاذيه والمخلين
ربعي وأنا منهم على كل زله = على الجدا ولا على غير مجدين
ولاخير في رجل نسى ربعة له =هذاك ما ينفع على العسر واللين
وأنا لهم والصعب ربعي تحله = ومن حب راس الخشم ما تزعل العين
ولي عليهم حق في وقت حله = ولهم علينا حقوق مبطي وهالحين
مير الخطأ مني وأنا مجانب له = ما جيتهم يومنهم عليه حريصين
ولوني كل(ن) زايره في محله = مالي حسا يف يا لرجال الشريفين
ولو الخطأ مني ماني ساعي له = شيء مقدر وانكتب بالجبينين
وكم واحد له مطلب ما حصل له = قبلي على دور الرجال القديمين
وأنا بعد من عرضهم بالسجله = ولا لايمن نفسي ولا قايل(ن) شين
ورزق الفتى لو البشر حاسد له = يجيه لو من دون رزقه سلاطين
هذا وأنا قلبي جروحه مغله = واكنهن والناس ما هم بدارين
ولو قال بعض الناس خله بعله = ما رد له جابه من شان الادنين
ليا صار في قلبه من الحقد عله = أجنبه من شان ناس حشيمين
وان كان فينا غرته هقوت له = وشفنا متسالي على الربع الاقصين
ابنصحه كود إن ربي يدله =من شان ناس بالمعزه عزيزين
إن طاع ولا جعلها ذلفت له = جعله مهف مقاط من بين ريعين
وكان الهوى هز الغصون المضله = لا بد ما نسقيه من علقم البين
أكيله بالصاع من قبل حله = وعندي حسابه من حساب المولين
ولشيم الميدان من حزمة له = ليا زلة الشيمه قرينا المجانين
و لا شك أنا بالعرف ليه مضله = ولاني رفيق للرجال الذليلين
و اعز راسي عن طريق المذله = ما دام تلفحني هبوب النسيمين
والرجل ما يخطي على الناس لله= لا شك يبلى عند ناس غشيمين
يجيه من لا يعرفه لاقف له = وليا ابتلش به قال ذو لاك مخطين
وعليك يخطي والخطأ ماشين له = وليا نصحته ما يطيع النصيحين
والرجل يعرف مذهبه ويش بله = وتنبيك عن بعض الرجال المشينين
وأنا تعبت وشفت بعض الممله = ولا لي حساب عند ناس مصدين
واللي لجى بالقلب محدن فطن له = هم لجى بالجاش من بين ضلعين
وخلاني اتعب واسهر الليل كله = واسهر وخلاني تقل بين قوسين
أجاوب السرحان في عويت له = جاوبت في تالي الليل ذيب الخلاوين