يالله المعبود ياخير مافوق الموجود= ياكريم كل الامه توسل لكرمه
مدته لاجات لو يعترض ميه حسود=مامنع رزقه ليا جابه الله وقسمه
رازق الداب العماء دون لايبذل اجهود= في مكانه لين رزقه يجيه ليا فمه
الذويبي من سمع فيه في ماضي العهود=اعتبر من عبره الله بكونه وحكمه
سالك الغفران والفوز في يوم الحشود= يوم ماينجي بنادم لويفر قدمه
ثم بعدها ذعذعي ياذعاذيع السعود= مع طريق اللي يطش الخزيزه بسهمه
ياهواجيس المعاني مريعة الشرود= داعبي من قام يرعف على الطرس قلمه
الرجل لاصار ماله عن الدعوى صدود=مايجي في علم مايبهج الصدر طعمه
مثل من درهم ذلوله وغر من العدود= وبركتبه بين سدره وعو شز و سلمه
في مكانً مايمره صدير ولاورود=ولاضلالً في مريعه يريع بنسمه
قلتها من شان تسمع ويصحون الرقود= مانبيها هبد عشوا بعجه وعسمه
السوالف للعوارف تراها ريح عود=عود راع الصنف لايذ وغالي بقيمه
يازمان السلم والعلم يا عصر الصعود=عصر جيل قام حضه بدورة وخدمه
نهضه التعليم في كل حوليه تزود= بالقرا والمدن واللي يتاحي لغنمه
الامور ميسره والعلا دربه سنود= كم بنا راس القلم والجهل كم هدمه
يامقاديم العرب يا محللة العقود= كم شداد دار وقته وتاليه ضلمه
ماصحى من نومته لين طين للقيود= وادخلت في ظرف واحد وراعيه ختمه
التهاون له عواقيب ماهو بمحمود= خص لاوصل الرجل في كيانه والزمه
[center]مع تحيات غازي الزغيبي