حسب اللذي في وقتنا شفته ومنه الفكر جاش = رسمت بحروف الشعر لوحة لتعبير الشعور
العقل نعمة ياعرب والرجل دون العقل ماش = مايحسن التدبير بين الناس في كل الامور
والعلم هو خصم الجهل معروف مافيها نقاش = والفرق مبني مبدئه فالناس في مر العصور
مثل المطر مايمدحونه لا انذكر وإنه رشاش = ماينذكر غير الوبل لا هل وسيوله بحور
اللي يقص علوم اهلها حاضرة فوق الفراش = جاهل وراع الفكر يجلي ظلمة الجاهل بنور
اخذ العلوم من اهلها والعارفة ماقيل طاش = والصقر في وكره ولايسعى ورى عش الطيور
وتبقى القصور العالية ماهي في منزال العشاش =وتبقى الثعالب بسمها ماتنتسمى بالنمور
الناس ماهي بالجسم والسوم ماهو فالبلاش = والزود فالعقل الرزين بسوم غالي مايبور
والعلم فيه المعرفة ماهو كما العظم الهشاش =واللي بدون المعرفة ماله مع العالم ظهور