الله من قلبٍ تتله طواريه =تلت سبوق الصيرمي القطامي
يشوف جول مانعه عنه راعيه=قبل المغيب وجوهم به عسامي
تل السبوق ولاقدر يمسكه فيه= وصفق بكفه منقهر يوم حامي
وقف ولاعنده رفيقٍ يواسيه= وبينه وبينه حال مزنِ ركامي
حتى النظر ماعد ياصل حراويه=قفى مغيبة شمس وقت الظلامي
اقفى وهو عينه تلد النظر لِه=بين الرجا والياس عض البهامي
وانا تتل القلب مثله حتاويه= تطرد عن عيوني لذيذ المنامي
احدها لصبر والقا تعريه= متجردٍ من مفردات احترامي
يقول قلبك ويتحمل مأسيه=مالي معك فزعة ولالي مقامي
عزاه ياقلبٍ كثارٍ بلاويه=جرحه مع الايام نازف و دامي
من حالته مئوس لا.مايداويه=اكبر طبيب اللي عطوه الوسامي
جرح الزمان اللي مع الوقت معضيه=مجبور يتجرع مراره الزامي
مره وحره عالمٍ فيه واليه=سبحانه اللي في يديه الخطامي