يابنت يابنت الرجاجيل الاخيار = يالي بحور العلم غصتم بحرها
وشي فتاتٍ علمها ضمن الاسرار= مرة على الحيين ولاحدٍ ذكرها
لاجل الذي تنصاه تنعاد تكرار= يفرح مؤده فيه لامن قدرها
قالولي عند الناس في كل الاقطار= يالي عرفت البنت عطني خبرها

يابو هليل جارك الله من النار=أتعبت فكري والعيون ونظرها
أبحث عن الرمعه لاشك محتار=عجزت أميز بطنها من ظهرها
كني مابين النار يالقرم والغار=وتعبت أدور للحقيقه أثرها
أسرجت أنا خيل الهزيمه بالأفكار=إلا من الذكرى وماضي خبرها
ومنك العذر ياطيب الساس والكار=ماعاد باقي رمعتا ننتظرها