على حسب مانسمعه يدهش اذهان=يكثر وجود الشّعوذه فالرّياضه
قالوا يصير العلم لو كان مابان=حيث المرض لازم تبيّن عراضه
ويومن به الجمهور في بعض الاحيان=وياخذ نتيجتها من اهل الفقاضه
وهذا يصير ودافعه ضعف الايمان=ومن نقص فالتّذكير والاتّعاضه
ولو هيئة المعروف يسمح لها الان=تبدا عملها كان شفت انقضاضه
اتصيب من يمشي تحت علم شيطان=والشّر في ذالك يبان انخفاضه
فعل الرّجال اللي لهم دين واحسان=امجاهدين الموت تارد حياضه
نبغى عملهم يدعم بكل ميدان=وماضنتي نوّاف يبدا اعتراضه
حيثه شبل ليثٍ توفّى بعمّان=نظيف قلب وللعدا به غلاضه
مذكور عنه الدّين والدّين عنوان=للمنهج اللي علّموه احتفاظه
الاسره اللي تنجب احرار شجعان=منها طلع فيصل صعيبٍ عواضه
وعلى سميّ السّيف لازلت حزنان=وتبكيه دولتنا وليس الرّياضه