بسم الله الرحمن الرحيم
بالواقع الملموس نكتب قصيده
إيجاز للواقع حقيقه وتصوير
بالتجربة نكتب أمورٍ عديده
من كثر ما شفنا من الشر والخير
أول زمنّا يمشي السيل سيده
وتخضر ضفاف الأوديه والعثامير
واليوم سيل اليوم محدٍ يريده
سدّوا طريقه حايشين الدنانير
أهل الجشع وأهل النفوس المريده
من فعلهم صرنا سوات العصافير
ما همهم جرح الوطن مع صديده
ولاهمهم دمعٍ تحدر شخاتير
كلٍ يحسّب مكسبه وش رصيده
ويعطي عن الجوده ملخص وتقرير
بالكذب عايش والمهايط يزيده
ويمرر الكذبه على الناس تمرير
صح اسانك يالعريمه كلام واقعي وصحيح