الطالب =
جيناك يالبشري تفضل كان لك باس ٍ شديّد = تراي احب الشاعر الي ماهو شاعر فوضوي
مانته بصايد وانت عندي تنحسب بالخرج صيد= معي معي قدام لاتحوّص وحذرى تلتوي
فايز =
قدام فالميدان مايفك الحديد الا الحديد = ياتمرة ٍ منقور نص ونص بالريح يهوي
انته مثل قرطاس زايد حط في ضرف البريد = مانته بند ٍ لي كلمة حق ٍ ولا انته خوي
الطالب=
العام في وسط انقره واليوم في وسط الصعيد = تبذل نشاطاتك مع البلدان شخص ٍ حيوي
حنا الجبال الراسيه ماهزنا صوت المريد = ولكلب ينبح بالوطاء والذيب بالراس يعوي
فايز=
العام والا الان نفعل مانشاء ومانريد = ومن وين ماوجهت وجهك يافتى تشوا شوي
ياكثر هرجك وانت ثوب ٍ ماكساء الجسم الفريد = والكلب في فمّه عظم والذيب صوت ٍ له دوي
الطالب=
العام من تحت العباه الي تفاد ولاتفيد = واليوم من تحت السقوف الي بعضها ملتوي
وانا لاقلت اقول كلمة حق ماخشاء راس زيد = ماني من الي صاح من دون الحماء ماهو حموي
فايز=
خل الرجال اهل الوفاء والطيب ياصدر ٍ تكيد = بالفعل والوقفات والا انته ترّد ماترتوي
فارقك قول الحق يالوجه المرواغ والعنيد = ارجال تقصر عن مواقفه ويكوونك كوي
الطالب =
من كان يبخص وش فريده ماجهل حضرة فريد = مع حضرة العباس والا يوم حكم الاموي
هاذي سوات الماص يجمع والذهب ماهو اكيد = ذولا ذوي لاكن ذولا من ذوي ماهم ذوي
فايز=
من قبلها والان واصغر راس بالشده عقيد = والا انت في وقت الحماء والخير مزوي ٍ زوي
انته تكلم من قهر يامعدن ٍ ماهو زهيد = ارويس لايغسل ولايمشط ولايحوى حوي
الطالب =
ماكل من بالمعركه لاطبها يحسب شهيد = والاسلحه ماعاد هي رشاش صارت نووي
ذا عذركم لاطق راس براس والمسرى بعيد = يحتار فيكم من يعرف المفردات اللغوي
فايز =
خل المعارك وانتبه للي يدفك ياسعيّد = وانته مضرى والمضرى دايم يقال ضروي
بالفعل مانته ماسك ٍ سيف ٍ مثل سيف الوليد = بك شعر فيك اخبال صح وقيل لي مانته سوي