ياوجـودي وجـد مـن طـشه بعـيره=راح عظم الساق من نصفه شتاتي
لاطبيـب ولارفــيـــــقٍ يستشــيـره=فـي تـــهـاتـيه المـضـامي والـفـلاتي
من هـنــوفٍ لاطـويـــل ولاقـصـيره=عــود مــوزٍ مـشـرعه نـهـر الفـراتي
في عـيوني ماوطى وسـط الجــزيره=مثـل ملهـوف الحـشا دمث الشـفاتي
من شمال طريف لاطراف السعيره=مرتــع الريــم العـفـر عـنـق المهـــاتي
عــين حـرّ ٍ ماكـره راس الـعــسيره=بالجــبـال الـشــامـخـات النايـفـاتي
وهـني مــن شـد باليمـنا جـــميره=ثم شرح له عن جميـع المفــرداتي
والهــــوا مــابه عـلى مثـلي مـعيره=والعــذارا حـبهــن سكّــر نـبــاتي
مايــرد الــقــوم لاغــارت مــغـيــره=كود من قالو عــشاشـيق البـناتي
ســل سيفٍ مايرجّـَع فـي جــفيره=ليــن يتعب باالطـراد الصافـنـاتي
لو يشوف الموت يشرب من غديره=مثل ابو زيــد الهــلالي والــــزنــاتي
التوقيع مساعد الجليدي