السلام عليكم ورحمة الله وبركاته
جمعتني الصدفة دون ميعاد مع ابو وليد وابو محسن
فكان هذا اللحن وآمل أن يحوز على رضاكم
فواز الزويهري
سلام سلم السما سلمي=سامي عن الشك والريبة
وراع المثل يستمع علمي=ويعطيني الراي من طيبه
إبراهيم الردادي وسامي الوافي
ترحيب منا لكم رسمي=ومساير الجو ترتيبه
فن الأدب جزء من حلمي=يثمر حسب علم توحي به
فواز الزويهري
تبقون والمشتكى ظلمي=ساطي على قلب أحيي به
مادام مسقاه من دمي=ليه الشكا يوم أنحي به
إبراهيم الردادي وسامي الوافي
القلب مثل الطفل ينمي=أحلام فالجد تغدي به
مادام له فالجسد قسمي=حاول عن الغي تجنيبه
فواز الزويهري
يخايل البرق فالوسمي=واجنبه عن مشاريبه
المورد اللي مهو باسمي=حلفت ما يوم يهني به
إبراهيم الردادي وسامي الوافي
بدءاً من الجانب العلمي=القلب واجبك تهذيبه
خلك معه فالهوى حسمي=والحِل كمِّل مواجيبه