المشاركة الأصلية كتبت بواسطة عبدالملك

يا أحمد عليك الله خل الصـوره=مهما فعلت القلب ماهـو دالـه
أنتم بكيتم فيه بـوح إشعـوره=وأنا بكيته عمـر مـرْ إبحالـه
طيفه معي في كل شبر ونـوره=يسمر معي في حلّـه وترحالـه
في أي ركـنٍ داخـل المعمـوره=أتخيّلـه وأكلّمـه مـن مـالـه
ماهو غريب الحزن وقت إسروره=يكثر من الآهـات فـي موّالـه
ولاهو غريب الجسم فيه إظموره=كلّي ترى مـن راح ذا منوالـه
لا تلوم دمعي لا خرج عن طوره=لحظة مرور الذكريـات إقبالـه
عمّ الجفاف إبعينـي المعـذوره=وألحقت دمع العين مايبرى لـه
في داخلي قامت من أجله ثـوره=بقيادة الأشواق حـزب الوالـه
حتى غشيت من الألـم لمـروره=في ناظري كل مانظرت إعيالـه
يا أحمد عشاني قوم ردْ الصوره=تتعب وعمر القلب ماهـو دالـه