اشغلتنا لك سنه تبرق ورعادك = يرّج بس المطر ماعاد له عيّنه
كثرة مسافات مصدارك وميرادك = تبا الخبر والخبر قالوا مع جهينه
خلك على دلتك وان زان برادك = تحت المكيف يقال العافيه زينه
والناس تدري بتكسيك وكدادك = جاك الخبر كانك تميّز مضامينه
مهما تطاولت بين الناس في مادك = معروف راس الفتى ومنهاجه ودينه
لاتصير فرجه العين وسمع نقادك = مطيحك بيد عدوك شي ياشينه
ولاحد ٍ بحاذفك وانته ماسك اشدادك = ومن لااحترم نفسه تعدّل موازينه
الطالب