يا سرّ نبض الخافق ويا لُبابه=ياهمّه إليا شاف ما لا يسرّك
يا مصدر إلهامه ولغز إكتئآبه=إذا إبتسمت وزايد الحسن غرّك
يكفي ذبحته عنفوان وصبابه=إن شحّ خيرك يكفي الله شرّك
لإجلك توسّدت الشعر والخطابه=أهيم لامن قلت لله درّك
يشكي سؤالي من فضول الإجابه=إن كان قلبك مثل قلبي تحرّك
متى تحن وتضمحل السحابه=اللي إحجبت نورك وعنّت مُبِرّك
أبغاك نصّ ٍ مايعرف الرتابه=يعني يناسب في خيالي مقرّك
فيه الحنوْ وفيه حتى الصلابه=أنا أستلذْ بحسن كرّك وفرّك
ولا إعتبر فحوى قصيدي دُعابه=قصّه طريفه عابره ماتضرّك
يا سرّ نبض الخافق ويالُبابه=الله يكفيني ويكفيك شرّك