ابومبارك اليوبي=
ياحمّد لاشفتها الاطلال=واسترجع القلب احلامه
لولا الشماته من العذال=لاشرح لك الود وايامه
حمد عتيق اليوبي=
ياماجد القلب لك مدهال=وعلومك تخفف اسقامه
لاتلتفت للعذول اش قال=قولي عن الود واحكامه
ابومبارك اليوبي=
قولك معي ياجويد الخال= خفف على جرحي آلآمه
فالود عشنا سنين طوال=نسهر ونعزف على انغامه
حمد عتيق اليوبي=
الود للقلب عال العال=والود فالقلب مرقامه
لكن قلي بطيب الفال=عيات علق بك سهامه
ابومبارك اليوبي=
فالهوده القلب حاله حال=محلاه في كامل اعوامه
لكنه اللي عليه اشكال=الشوق في ساحة اوهامه
حمد عتيق اليوبي=
قاموسه الود ماينطال=ويحكم على القلب بالزامه
والشوق منه الحمول ثقال=من حسه الليل ماينامه
ابومبارك اليوبي=
للان شوقي يهز جبال=لماضي الود واعتامه
ومهما كتبنا من الامثال=الود مانمسك لجامه
حمد عتيق اليوبي=
الشوق من شيمة العقال=اللي لهم فالوفا قامه
وانته وانا ياوسيع البال=نشتاق للود واعلامه