راع الفكر لو مات فكره مايذوب
الفكر يبقى والعقول بتنقله
الفكر طيرن ماتغذى بالحبوب
ولا يموت الا بعقل مكبله
والجهل بالدنيا ترى دمر شعوب
بعد اقتلوا بنت الفكر مستبسله
لا تسير فالدنيا مسارات اللعوب
درب الوفا راعيه دوم يجمله
والناس لو تمدح كثيرين العيوب
مازودوا في قدرهم والمنزله
الطيب افعاله ترى مهر القلوب
بين الحنايا بيته اللي ينزله
النفس لا تخالط نقاها مايشوب
الناس ماتقرب دلال محثله
الوقت لا هدى تحسى للهبوب
العاصفه لو كان غابت مقبله
دنياك مثل الشمس في حزة غروب
والفايز اللي زارعن له سنبله
يلقى محاصيله مع رب الغيوب
في دار عدلن مابها من مهمله
أحمد الخواري