لانويت العيد عيد في الوطن بين القرابة= عند ابوك وعند عمك والرفيق اللي موالي
ملحقين البن الاخضر هيل يامحلا شرابه = ماحلا الفنجال لاساقوه من صفر الدلالي
في وطن خيره كثير وكل حي قد درابه = والامان وصحة الابدان لاهله راسمالي
في وطن غالي علينا كلنا نفدا ترابه = محتمينه من عدو ومن مريض به هبالي
السعودية بلدنا من قربها واعذابه = من عصور اجدادنا للدار نبذل كل غالي
العرب لاقادهم نشمي وطوا كل الصعابة = دام قايدهم حكيم الفوز له فاول وتالي
لاتولى امر الثعالب ذيب خلاهم ذيابة= ماينافسهم مباري فالمراقيب الطوالي
كيف عاد ان كان والياالكل سبع طال نابه= ذيب يرأس له ذيابة فاللقا ماله موالي
مثل ابن عبد العزيز اللي عطاه الله مهابة = وشعب مخلص ذخر ابن غانم وابو زيد الهلالي
من سلايل حرب بيضان اللحا وقت الحرابة= ومن قبايل مثلنا نمشي برا مر وحالي
شعب دايم مايهاب الموت لادنت ركابه = لادعا الواجب في لازمنا نموت ولا نبالي
شيخنا يامر وينهى ونايبه حاسب حسابه= لامشوا في الخط الابيض نوروا سود الليالي
وسيفتا صارم وابن نايف يمينه في نصابه= ادب العاصين بالسجن المؤبد والقتالي
الجبل ماهو جبل لوكان ماطالت هضابه = لاانتصب روح وتذرا فا السمين من الظلالي
الجمل دايم علي العادات ثابي في المثابة = الحمل لوزاد ثقله شالته جيد الجمالي
الصقور صقورلاحامت وصاحت فوق غابة = كل طير يختفي خوفا من الحر الشمالي
كل من ضيع دليله عندنا يلقى جوابه = من حكيم الري ياخذ حل عقدات الحبالي
هكذا البيت السعودي مرحبابه مرحبابه = عيش حر ومستقر بلا نزاع ولاجدالي
وان تولى امرالذيابة ثعلب جات الخيابة = كلهم عادوا ثعالب مالهم فعل يقالي
لاامان ولا معاش ودارهم راحت خرابة= والديار بلا امان اعمارها يصبح محالي
الحقيقة للحكم كرسي ومعروف كتابه = مايطوله غير من لا قال برهن بالفعالي
الحكومة مالها اللا حاكم عارف صوابه = مثل دستور الملوك اللي يحبون العدالي