ملتقى قبيلة حرب الرسمي - عرض مشاركة واحدة - يامـــيــر.....................ـ...........يامير صــــورة بس ماهي بصـــوره

بسم الله الرحمن الرحيم

اولاً
الحمد لله اللي انا من سكان هذا الوطن العظيم اللي شرفه الله بوجود الحرمين
فوق ارضه الطاهرة
ثانياً الحمد لله حتى يرضى اللي حكامنا منا وفينا مسلمين موحدين
يرقبون الله في كل صغيرة وكبيرة

ثالثاً امس على موقع الدفاع المدني ب twitter هزة مشاعري صورة للامير محمد بن نايف وزير الداخلية وهو
يضم احد الجنود المصابين من عقب الامطار اللي هطلت على مشعر منى.
ومن هذا الموقف جت هذه القصيدة اللي تعبر عن شعور كل مواطن سعودي لاشك.

يامير صــــورة بس ماهي بصـــوره
صورة تـــهــز القلب والعقـــل ينــدار
منها جــــفى شــــعري مواني بحوره
واجبر لقــافي يعبر لـــموج الاخطار
شفتك بها شخصن عظــيمٍ شـــعوره
من صـــادق الاحســـاس منته بمكار
يـــوم انحنيت بكبرياك وحـــضــوره
على المصاب تعانـــقه دون مــحـذار
هذا دلــيل انــك مــقـــدر لـــــــدوره
ولا يقدرالمعــروف ياغيـــرالاحرار
ياحــر مــن ماكر حرار مــخـــبوره
ال السعود اللي لهم طــــيب الاذكار
نـــفـخر بهــم والنعـم باخــوان نوره
حكامنا اللـــي بســـــمهم تعمر الدار
صبحٍ جلا ليل الجهل ضــــــو نوره
وخلاوطنا واحــة نخـــــيل وازهـار
ارسيــــتم بحكم الشــريعة جــسوره
مايهز جســـــره كــل ماكــر وغدار
دستورنا القرآن حكــــمـه وشـــوره
وغيرالشـــــريعة مالـنا حكــم نختار
والحاقـــــد اللــــي فيــه عله وبوره
يبا يمـــــوت بحســــرته بارد النـار
لجل القباـــيل محتــمينٍ لســـــوره
دون الوطن تاقــف ولوصارماصار
اســـــودنا بالحـــرب دايم جســوره
انشد جـــبل دخــان يعطيك الاخبار
اللــــي بغوه ونتـــفتهــم صقوره
صقور جوٍ شهـــبهــم تحرق الغار
هم يحســــبون الحـد سهـلٍ عبوره
وغدالهم قــبرٍ عظـــيمٍ وتــــعبــار
عبــــرة المــن فكــــر بيومٍ يزوره
يحسـب حساب اللي لهم فعل جبار