المشاركة الأصلية كتبت بواسطة ابوهليل

	جميع الشلف الي ذكرتي ماهي معروفه ومشهوره مثل شلفا ذياب وشلفا ذياب قيل انها ماتوقع الا في لحم ومن القصص التي قيلت عن هذه الشلفا انه رماها في احد المرات وقد وقعت في التراب وقال له احد المتواجدين وين ياذياب الكلام الي يقولونه عن شلفاك انها ماتوقع الا في لحم قال شوف مغز راسها وينه واليا هي ضاربتن حيه وقاسمتها نصفين قال ذياب هذي شلفاي لا رميتها ماتوقع الا في لحم

سمه غرور وسمه اللي تريده=وسمه على ماقيل باللي تسميه
ابفتخر وارد هرجي واعيده=واللي زعل ياعل ربي يعافيه
يزعل ويرضى والليالي مديده=واللي مايفخرفي ذكر فعل اهليه
وحده من الثنتين ماهي بعيده=اما لقا إن فعولهم ماتنشميه
ولا ضعيف والمشاعر بليده=وانا احمد الله حالتي متحاليه
قبيلتي لها فعولٍ مجيده=واناعرف التاريخ حاضروماضيه
قريت له والعلم عندك مزيده=كثر الكلام يضيع ويضيع راعيه
مبين شيل وحط يبطي مديده=والعاقل اللي شور عقله يقديه