من يوم قام السحيمي طالت المشكله=و أن جات بيني و بينه وين حلالها
صياف هكالسنه مربوط في سلسله= و اليوم تسعاله الدنيا و يسعالها
أشعلت نارك و حنا نارنا مشعله= و الظاهر أنك غلطت و طحت في جالها
لاتمتحني تراي أرميك بالقنبله= و السلسله طارت الارياح باقفالها
فتح عيونك و هات الميل و المكحله= من ؟؟؟؟؟؟؟؟؟؟؟؟؟؟؟؟؟
جمالك اللي عليها طالت المرحله= تخل من دونها ما أنته بجمالها
حنا لنا منزله و أنتم لكم منزله= و المكحله هاتها و أرسلك بدالها
يروح وقت الربيع و تدخل السنبله= إتذكب الناس و إلا تأخذ أقوالها
ياربعنا ياشبابه قاطعين الصله= تريحو بعد جاء للخيل خيالها
أنته على نيتين و طحت بالمحبله= اللي تجنب يساري مالي و مالها
حنا زعلنا على الجاهل بكثر إجهله= و اللي يعرف الصله مايقطع إحبالها
اكتب برأس القلم و ارسم على المنقله= و اللي على الخط الاقصى لاتعدالها
ياقاضب(ن) راسها و إديوسها مبهله= ابعد عن البير لا تاقف على جالها
بكره و بعده تجيك إجمالك محمله= و إبليس قدامها و إبليس يبرالها
أنته تبأ المقفيه و إلا تبأ المقبله= حنا نعرف السباع و نعرف عيالها
حنا ماجبنا حلال القوم بالمسهله= إلا بعد عزوةٍ ما أحد تعزوى لها
كلاً يبأ المعرفه كلاً يبا المرجه= مار إحترص لاتروح الدلو بحبالها
اللي عطاء القرش مايرضى بنص هلله= أنته بفالك و خل الناس في فالها
أبعد عن الحلحلي و ابعد عن الحلحله= إرتاح في هضبة الجولان و إجبالها
إليا عطيت الفلوس و جاتك إمبدله= لاتبلش الناس لين إتضيع أموالها