أهـلا هـلا باللـي لـه القـلـب مفـتـوح = تآمـر و تنهـى خافقـن مـا عصـاهـا
نزيهتـن مـا طالعـت بـأي طحـطـوح = الــلـــي خـلـقـهــا رافــعـــن مـسـتـواهــا
درة قـصـر مــن دونـهـا كــل سـابـوح = بنت الـذي قـاد الضعـون و حماهـا
اللـي خذتنـي بالسوالـيـف و مــزوح = فـي كلمـة مــدري وش الـلـي وراهــا
اسنـيـن ينـمـو حبـهـا داخــل الــروح = لـــو الـغــلا يـذبــح ذبـحـنـي غــلاهــا
أحبهـا ماهـو عـلـى شــان مصـلـوح = إلا امـشــاهــدهــا و لـــــــذة نــبـــاهـــا
خلتني أجاوب حمامن علـى الـدوح = أتـابــع الـورقــاء و أغـنــي اغـنـاهــا
مملوحتـن تعـوض عـن كـل مملـوح = الله يـقـبــلــهــا و يــقـــبـــل حــــلاهــــا
الله يرعـاهـا قـبـل ويــن مـــا اتـــروح = و من شر عبثات العيـون يحماهـا
لا واهنـي مـن كلـل الجـهـد بنـجـوح = بالشـرع و السنـة و بـأمـر أوليـاهـا
حتى يجـي للكيـف رايـات و افـروح = و النفس تلحق ما بغت من هواها