دنيا رديه ماكسبها سوى الذيخ
ويلعب بها الذيخان مساحة الجوخ

كم شيخ مال ولمعوه الملاميخ
حطوه شيخن في وسط قومن ادلوخ

وكم شيخ قوم يزود الطنخ تطنيخ
لعبت به الدنيا بها صار ملبوخ

فازوا بها قوم الـردى والـطبابيخ
واصبح لهم شيخه وتاريخ مطبوخ

عقب المراجل عود الطنخ تنفيخ
واكثر شيوخ اليوم بالحيل منفوخ

حطوا لهم ماضي وحاضر وتاريخ
لو تسمعه بالحال من زيفه تدوخ

والمعذره تنصى الشيوخ المطانيخ
ويفهم قصيدي كل ذيبن ومطنوخ