[TABLE1="width:85%;background-color:black;"]
كثير من يتمنى الغنا والثرا ولكن طال ما إنه لاتغير
شيء من القدر ف بلاشك إن العمل اصالح
اخير وابرك
لوكان عنــدك فلةِ فـــي طــربزون
وعشــرة بواخـــر ينقـلـن البضايع
وفنـــدق ويختينن علـــى مـاتمنون
والـــطائرة تقــلـع بــلاوقت ضايع
واربع بنـــوك حسابها من ترليون
بالله ماتشكي هـــموم وفـــواجع؟؟
ولاتموت لـوإن الخلايق يموتون؟!
ودام الجـــواب يقول هذاك واقع؟؟
بقـــول لك لجل ايش للـهم تشكون
دام النــــهاية للحــــياة الموادع؟!!
دنياك مايشقى بها غيــــــر مفتون
اللي قضى عمره عن الحق ضايع
اغنم بها ركعة مع اللي يصـــلون
واحــــذر تقلب بالخفوق المواجع
واليا زهمك الهم قــله علـــى هون
مانته كفو تقض لــــــي المضاجع
مادامني مؤمن بمن كـــون الكون
الخــــالق اللي مـال حكمه منازع
ثم صــل لله واطلبه صادق العون
ماخـــاب من قلبه بالايمان خاشع
تمت حروف القيل والقيل موزون
من شاعرة فيها للايــــمان وازع
| [/TABLE1]