السلام عليكم ورحمة الله وبركاته
وصلتني هذي قصيده من الشاعرعبدالله بن عليان الزغيبي
ياراكب اللي فيه زود امتيازي=جمسٍ يقرب نازحات الجراهيد
جمسٍ لعجه من وراه ارتكازي=مايلحقنه هاويات العباريد
ياسايقه وصل سلامي لغازي= سلامٍ احلى من حليب المجاديد
اللي بدرب المجد والطيب فازي=قرمن يشيد خيمة العز تشييد
ولي الفخربالقرم وألأعتزازي =نسل الوغى عقب الرجال الصناديد
وياغازي اشكيلك جروحٍ حوازي =همن يجمد نابض القلب تجميد
امسيت منها ظايق البال جازي=منها عليه ظايقٍ واسع البيد
كنه يركز في ضميري جزازي=اباجحد الهاجوس والهم ويزيد
ابا تلزى ميرما ني بلازي=دنيابها قاسيت همن و تعقيد
ردي حظ وبالمذاهب حجازي= والله بلاه بناس ماهم بجاويد
وجحدة غلطات الرفيق الخنازي= لاكان طال الوقت وشعيل به قيد
ولولاي خبرٍابن رفيًده يجازي=حشرتهم حشر الحشرات بالريد
وشب فيهم نار ولعه بقازي =وحدهم حد القوانيص للصيد
مابان لطيته وماشذيازي= وعيبٍ على اللي ماكلامه بتوكيد
لاشك قافيني قريب المهازي=تلحقني الناس العصاه المقاريد
واليوم ياريف الرفيق امتوازي= ماكني الاداخل لسجن تابيد
لو جيت اعز القلب ماهو بعازي= يحزني حز الخوص للمباريد
وبانظرك ومايجوز الك جازي= اجزم عليه وحدد الوضع تحديد
والعود الاعوج ماعليه اعتنازي= ولايقضي اللازم كثير المواعيد
ويطيح من ماطاه ماهو عزازي =ولايجدع النيشان عوج البواريد
واسلم ولاقلت القصيده مهازي=غير الشكيه مالي ايةمقاصيد
عبد الله عليان الزغيبي أردود على الشا عرعبدالله
حي الكلام اللي لفا بسم غازي= يامرحبا ماغرد الورق تغريد
جاني على جمس جديد الطرازي =من عند ابن عمي وصوله تقل عيد
لو ن من شكواه شوش جهازي=وعن ظربة النيشان حالت حواسيد
سبب حراجي والقلق وانفزازي =ولا يستوي عذري ولاعنه تصديد
وحمله لونه ثقل ابان وخزازي= لادنقة عنه العفون الرعاديد
حطيت كتفي جنب كتفه موازي=واطيع لمره طيعة العبد لسيد
عليه تبيين لهدف بالجرازي =وعلي لمسكله جدير المراصيد
لتسب حظـك يابعيد المغازي=قسمه من اللي نزل أدر بديد
يمواصلٍ درٍب سبقك اجتيازي=قبلك مشيت وصارلي فيه تأييد
والحر لاشقر ماكره راس نازي=مايستوي بين الطيور الملابيد
أما الرفيق اللي عليك انتهازي=أماسفهته شوهتك المناقيد
من يرخي سموعه يجيه اهتزازي=تقفي وتقبل به صخاف الهرابيد
راع المثل كد قال خلك احيازي=لاصار ماتصبر على زيد وعبيد
مالله على قرب الدويني اموازي= يشفيك عن لاماه شبرٍ من البيد
دوالخلا اللي به تخاوا الجواري = اخير من تحديدة خلاق ابو زيد
يامسندي ماكل دربٍ مجازي= من طاح جاه امولد الهرج توليد
يابو هلا عقب الرجال العزازي =اهل الصحون محرقين البغاديد
اهل الشكاله فوق زلٍ شرازي =ولا طيبهم جده ومده وتقليد
هاذا ولنشيفة الخلل في نجازي= ابي السموحه ياصبي المحاميد
الدرب مع ضيقه عكاش وغرازي= ولا جتلي السفره على كيف ماريد
سلمت يالي منك شوش جهازي =وعن ضربة النيشان حالت حواسيد
غازي الزغيبي