المشاركة الأصلية كتبت بواسطة مشعل فازع العتيبي

عطيني ياهجوس الشعرمن جزل البيوت اجزال=ابنضمها وبحكمها وبنقضها وبفتلها
عشان ليا سمعها الناقدالي ينقدالامثال =يجنبها ماينقدها ويعجب في مثايلها
نضمت ابيوتهافي مدح رجل للمدايح نال=من الادنين والاقصين كلمة نعم حصلها
الاسم طراد بن مفلح و ابه جزل المديح يقال=بيوت الشعر في شرواه صح السان قايلها
يساقله النعم لا جا مجاله سوقت الفنجال=لاسيق يساق لرجال(ن) تمجدها فعايلها
وابو مفلح بعلم المرجله يرجح له المكيال=علوم الطيب يعشقها ولد مفلح ويفعلها
كريم ومجلسه لهل الكرم والمرجله مدهال=وطبعاً ذالكرم ورثً لجدانه من اولها
راعي الفزعات والنخوه وبالوقفات اخذ رجال=يقف وقفات غيره بالمواقف مايتحملها
كفو ل الرتبه الي فوق متنه والرجال افعال=احد ربعه ينومسها واحد ربعه يفشلها
لكن طراد لاعدو رجال الطيب اله منزال =مابين اهل الفعول الي فعايلها تجملها
خوي(ن) خوته ماهيب وشلونك وكيف الحال=علشان الخوي صعب المواقيف يتساهلها
وتراالحربي علشان الخوي من ماضي الاجيال=يبيع الروح وحقوق الخوي والله مايبدلها
لعل اقرب مثال (نويشي)الي للخوي مثال=بعد ماسل سيف(ن) ضربته تشكى ملايلها
لجل يحمى خوي مايوفر عم ولا خال =ولين اليوم والقصه عباد الله تناقلها
وترا ماهي غريبه من رجال كلبوها ابطال=قبيله مجدها وافعالها التاريخ سجلها
حمول الخيل في ماض السنين وقتها الي زال=قبيلة حرب وقت الحرب عوق لمن يقابلها
وانا مدحي لـ بو مفلح وربعه من غلا وإجلال =مثل ماقيل مدح اهل الوفا رد لجمايلها