المشاركة الأصلية كتبت بواسطة عبدالملك

علامك يابعد عيني علامك=انا للآن مذهلني ملامك
ترى من قمّة إشموخي لفيتك=عشان أرضي غرورك وإتهامك
وش اللي قلته وضايقك منّي=أبي أعذرك وأبرر كلامك
لو إنه من سكوتي ضاق صدرك=تحمّل عاقبة قلْ إهتمامك
وإذا كان التصرّف منك عفْوي=مصيره باكر إيقلْ إحترامك
كفايه تستفزّ آهات قلبي=تخبره زين مايقوى خصامك
بعدك الكون يظلم في عيوني=لأن الشمس مغربها لثامك
إبيك إتراجع الماضي وتذكر=من اللي حدّك وغيّر نظامك
معايه وأنت كنت اللي تداري=على الإحساس في نبرة سلامك
دخيلك وإن قريت اللي نظمْته=تجاوبني وتشعرني علامك