الـبــــارحه يـــــوم أعلــن المذيـاع عـيـد=جت تطلــع الفــرحـه و صــدري ردهّا
يـردّنـي عن فـرحــة العــــيـد السـعـيـد=روحــــاً هـــلال العـــيد يبكــي فقدها
روح القــريب اللي مَهـــو عـنّـا بـعـــيـد=روحــه معـانا كيف نـشــعر بُـعـــدهـا
روحـــاً غـــلاها يــزحـم الــدم فالـوريـد=أجـــــبـــر صـفــاهـا كـل روح تـودّها
روحــاً محـاوَلْــتــك ســلاها ما يــفــيـد=في روح ســـالـيـهــا تمكـــنّ وجــدها
روح الـذي ذكـــراه قــيداً من حـــــديـد=والذاكــــــــرة تبـطــي تحــررّ قـيـدها
للنــاس عــيد و عـيد قلــبي يـــوم أعـيد=ذكــــرى ما يقــوى الموت لحظه وأدها
حــين أذكــره بالبشت والثــوب الجـديد=والمسبـحـــه و تــمـــرات وتْــــر يعدّها
والبسمــه اللي فـــوق وجـهــه ما تبـيـد=وتكـبـيــرته بالصــــوت يـــوم يــمـدّها
أصيـــح صيـحـــة طفـــلْ توّ إنّه ولـــيـد=صيحــه بها أدفن فرحتي في مهدها
مرحـــــوم يا عــيداً بدونـه مــاش عــيـد=يا فــــرحـتـي ؛ قـدّام تــأوي لحــدها
مرحـــوم يا من في وصوفـــه لـن أزيـد=لـو قـلــت يـعـدم فالــوصـايــف نــدّها
شـيخــاً و تاريـخــاً من المـجـــد التلـيـد=حُـــــرّاً و لـه هـــدّة جــبـــال تــهــدّها
شيخـاً على أهل العرف والحكمة فقـيد=المــعـــرفـة نــخـلــة رقــــاها و جــدّها
بالخُـلــق زاد و بـالمـراجــل مســــتـزيـد=ونـفـســه نــقــاهـا عــن رداها حــدّها
شيخــــاّ وفــاه يقــول ياهـلّ من مــزيد=ســاقــه على الواجــب حـثـيـثـاً مـدّها
شيخــــاً طــوى من شان ونـعم كلّ بيد=نــايــف ؛ و عـيـنـه فـالـنــوايــف لـدّها
شيــــخ الحـمـيّه دون ربعــه ما يحـــيـد=في كـلّ بـــاب و كـلّ شــــان يـسـدّها
دون الـقـبيــلـة نــار حــيّــــه تسـتــقــيد=تـحــــرق لـعـينــاها مـغــــثـرب عـدّها
ذاك الحـجــــــيـري والمـؤكــد والأكــيـد=كـل كـبــد فـــرقـا ذاك يـلــهـدّ كـبـدها
يا ربـــي إقـــبـل ميـتّ الجمعـة شـهـيد=وإكتب لروحــــه في جـنــانـك خُـلدها
وإجعل من اِسـمـه مـنزِله ؛ يوم العـبـيد=حـسـب العـمل تاخـذ كُــتُــبْـها بـيدّها