السلام عليكم ورحمة الله وبركاته

انقل لكم مادار بين شاعر الكسرات فهد بن حمد الفطيمي و الشاعر الكبير العم مبيريك بن سالم المحمادي الملقب بابو قعيمره في يوم الخميس الموافق 6 --- 2 -- 1434
في مزرعة والدي الشيخ مبارك بن بخيت المعبدي في هدى الشام
وكان من بين الحضور شاعرنا خالد بن عبيد الحربي و منصور الشيخ و بعض الاصحاب

وكتبت لكم ماحفظته في هذي الجلسسه
------------------------------------------------------------------------------------------------

البدع فهد بن حمد الفطيمي

-
ترحيب في ديرة معبد = باللي لهم عندنا مقدار
الكــل بقدومكم يسعد = الليل نبغى المثل سمار

-
العم مبيريك بن سالم
-
عسى البقى ياعريب الجد = والطيب لهل الوفاء معيار
الفــعــل يذكــر ولا يجــحد = وضح وقلــي وش الاخبار
-
فهد بن حمد
-
فيك الوفاء والرجال تعد = تشهد لكم يا الصديق البار
في خافقي جرح يتجدد = شتت عليــه جميع افكار
-
العم مبيريك
-
المشتـكى وضـح المقصد = لاتعذب النفس بالي صار
ان كان جرحك في بحر الود = صاحبك قاسي كذا جبار
-
فهد بن حمد الفطيمي
-
مالي على الود لي مقصد = قدام تحكم على مادار
اللــي فوقــت اللازم والـجد = قفى تخلى وانا محـتار
-
العم مبيريك ابو قعيمره
-
لو كان قفى ومتعمد = ويجازي الطيب بالانكار
اقنــع ولاعــاد تتـردد = لو جاك تغليق بالمعذار

---------------------------------------------

هذا ماحفظته ودار بين شاعر الكسرات فهد بن حمد الفطيمي المعبدي والشاعر العم مبيريك بن سالم المحمادي ابو قعيمره