ياحسِين السجايا والشكل والوصوف = ياجميل الوفا والطيب ياذخر ابوك
دام لك سمع يسمع يوم عينك تشوف = كان حولك حريقة والعرب كلموك
ايش يطري فبالك وانت بين الصفوف = قبل لا كلهم لحظة سوى يزهموك
كان درب العدل شفته طريق امحفوف = بالمخاطر وربعك عنه ماعلموك
انتبه من لغم بينه وبين الضيوف = وانت غافل ماتدري ليش هم قدموك
دون طعن الخناجر سل حدب السيوف = كانهم وقتها فالمسألة ناقشوك
انت للخير يمنى وانت للشر خوف = وانت للخيل فارس بس مايرحموك
التحية على الجالس من اللي وقوف = والنهاية مشاعر ناس مايكرهوك
المعاني معاني والبيوت الحروف = والقصيدة كتبها ولد عمك واخوك