ياهـجـوسـي زود الـنــار بـالـقــازي = ردةِ تــســمــو عـــلـــى كــــــل رديــــــه
كل ماجيت اتصل فيك ياغازي = مـاتـجـيــب إلا مــواضــيــع ســـريـــه

ياعميـل ٍ علـى ماقيـل مـتـوازي = شـب نــاره وجــوه الـقـوم طرقـيـه
كان ماهو مجازك فنته احجازي = بيـن هـاذي وذيـه طــرق ملـويـه

كان مانته بالمواضيع منحازي = كـلــنــا بـيــديــك حـــربـــه وجـنـبــيــه
كـل صـوره لـو تـطـرز تـطـرازي = ماتـفـيـد الـيــوم لـبــس الحـسـاويـه

يالمغني جيت في قـاف نقـازي = والقضيـه فـي يديـن الحرامـيـه
كل صوره علقة وصط بروازي = نـسـبـة الاخـفــاق 90بـالـمـيـه

مـابـغـيـنـا يـهـتـنــي كـــــل نـــهـــازي = كاشفـيـن الـبـيـر والـبـيـر مغـطـيـه
مع زحام القوم لوطاح معكازي = كيـف اقـاوم باقـي النـاس بيـديـه

اتخالف ماشقر صـف بنغـازي = واتوالف ماحفض غير مرعيه
علم اللي يرفع اصوت وينازي = يحسبـن السالفـه طـاق طاقيـه

من مكانه فوق ماهو بمعتازي = مــاتـــقـــدم لـلــريــاجــيــل عـــيـــديـــه
والسـريـه تنتـظـر زاهــم الـعــازي = الاوامــر تـالـي الـوقـت معصـيـه

ياولـد ميـاس بـعـض اتخنـبـازي = حـولـت فــي غيـضـةٍ للـحـداريـه
حط جوالـك علـى وضـع هـزازي = ياسعودي عيش وصط السعوديه

لاوقفـت اوقـف ولاطحـت متـوازي = يـافـقـيـر اتـعـيــش مــثـــل الـغـنـاويــه
المطايا شفت فيها الجرب لازي = الــزكـــاه الــيـــوم عـــــادات حــولــيــه

لايزود الرمي ياراع الانجازي=والمعاني كلها الصبح مقفيه
لاتحاول تدرس ابطب ابن رازي=ونت تعليمك مجرد ثناويه

ماجـهـلـنـا بـيــضــة الــحـــر والــبـــازي = مــار ناخـذهـا عـلــى نـاصــع الـنـيـه
من يقول انه معه درس واعجازي = الـــــدروس ايـــــات تـــنـــزل ســمــاويــه

ادري انك فاهم وعندك احرازي=لاكن ادعوا تجي شبه عفويه
وذكرالله وذكر الشيخ ابن بازي=لاتخبط في فتاويه موليه