على الرحب والترحاب ياسويّدعبيلان=البيّ ندا داعيك لوكان برساله
البيّ ندأ الطيّب واجيله مهما كان=اكنسل ظروفي كلها واتهياله
واقول ابرك الدعوات داعيك ياكحيلان=بها تجتمع ثنتين جعل السعد فاله
الاولى شفاك الوالي المعطي المنان=وهذي فرحها عيد مشيوفٍ هلاله
ومن بعدها ازف التباريك للعرسان=لعل السعد فاله بحله وترحاله
واهنيك في جمعٍ غفيرٍ من الاعيان=من شيوخ وامارٍ كضت به الصاله
سلامي عليهم عد ماهل من ودان=من الناشي اللي يرقص البرق بخياله
بها اهني سويد ثم اشيد بالشجعان=ومن قال منهم قلت مقصودي عياله
هل الموقف اللي ماتهقواه كل انسان=يقع من تعنى ابوه يطلب نسب خاله
حديهم تبرع من شجاعه وصدق ايمان=بكليه لبوه ويطلب الرب ويساله
لحيث الولي موصي بكل الثنين احسان=ولكن يوفق فيه من طابت اعماله
ولااقول فيكم غير ماشا لله الرحمن=عسى الله يجنبكم غثى الوقت وأهواله
والا ياعيال وسيد دحامة العدوان=ليافتش التاريخ جاء منكم ابطاله
تحصل على غلافه هو الرمز والعنوان=دخيل البلالي ياعسى الخلد منزاله
دخيل البلالي رجح الكيل بالميزان=هوالمعجزه لاردو العلم لرجاله
هو إسطورة التاريخ عدنان مع قحطان=ومن صارعنده شك انا جاهز اقباله
فعل فعل للحربي ينومس مع الجيران=بعدماقصيره للتضامن تلاجاله
عداك الفشل واللوم يامواجه السلطان=بباسٍ يزيده غيضةٍ ماتحلوى له
دخيل الله اللي ساق عمره على شامان=مماته ولاعيبٍ يجي فيه نقاله
وألا ياهل البلهاء لياعكّم الدخان=وكلٍ دفاعه في هكا اليوم عن ماله
لكم فعل يشهدله وحظٍ مثل ورقان=ولاخير باللي ما اثبت العلم بعقاله
وفيكم حميه طاغيه مالها حدان=وهل رفقةٍ يفرق بهلها وهل قاله
وهل مسمةٍ جاهم وراثه من الشيبان=وكلن يورث ماتور ث من اجياله
بشاشه وترحيبة صفاوه مع الصفطان=مع الفزعه للي امابها الهايط الماله
وتم الكلام اللي منسق كما البنيان=لوني كتبته للمشاكيل بعجاله
حاولت اتجنب مايردد بكل السان=وكلن تراه بنضم شعره يوراله
على الساحه اللي وسطها تنزي الفرسان=دبابه على ماقيل رجلي وخياله
يجي شعر خالي منطق الشعر والاوزان=ركيك الكلام اللي يسمونه حثاله
بهم عالمٍ تاخذ تلاعب على الامتان=تزيد الحطب بنار ونار شعاله
اوبعطيك بعض الرمز يمسابر الرعيان=تر الشعر نبض الشعور وحساس ورساله
وانا لي بصمه ثم خصمه ولي اقران=وقدمي وخلفي كلن يحث برحاله
ونا لي حساده ولي كثرهم صدقان=وراع المثل صحا الله السان من قاله
ولي معجبن لاقمت يدفع علي ارهان=وحقه عليه مايروح بمعداله
اقيس الامور بحجمها مع رجال الشان=ولا واخذ الي راح مع درب جهاله