ماعاد لي قدرة على الصبر يازين=واليوم ابرحل والرجا تعذريني
حبل الرجا مقطوع مابيننا البين=وحال الزمان اليوم بينك وبيني
وقفة ظروف الوقت مابين قلبين=ومات الامل في وصلنا ياظنيني
ماجتلك ظروفك على ماتريدين=وظروف وقتي قاسية ماتليني
وزود على حكم القدر حظنا شين=وش تنفع الحيلات يانور عيني
مال السعادة في حياتي عناوين=ولااظنها في دنيتي تلتقيني
كم مرة قدام عيني تمرين=وكم مرة في نظرتك تقتليني
وش فايدة تنظر وانا انظر لك بعين=ماتطفي النظرة لواهب كنيني
مادام مانتي لي حليلة على الدين=واعيش انا وياك باقي سنيني
ومادام ماظمك على الصدر بيدين=ياسعد عيني لو تظمك يديني
اما كذا والا افترقنا من الحين=والله على غبن الليالي يعيني
بس الرجا يابهجتي قبل تقفين=هذي وصية عاشقك واسمعيني
اليا تقابلنا على الدرب تكفين=ياغايتي تكفين لاتنظريني