لقينـــا ما لقيـــــنا والرجاء باصحابنا مفقود=عساها خيرة وتكفير ذنب وخير بالفرقاء
عنيـــنا لوعنيـــنا والعوض من ربك المعبــود=يعوض فاقد الوجهه ليا تاهت به الطـــرقاء
ان ماكنت احسب ان الرجال تبور يامحمـــود=ولكن من يلوم اللي رقص لاغنت الورقاء
حشئ لله مابارت رجل العرف وأهل الجـــود=ومن ينزل علئ وضح النقاء بالعالية يرقاء
صناديد الرجال اللي تفك القيد والمـــقيود=ليا فاحت صدور أهل الحسد من فعلهم حرقاء
سلام الله عليهم عد ماهبت هبايب نـــــــود=وعدد ماهلت وسوم الحياء ومالاح من برقاء
تقصدت الرفيق اللي تقصدني بلامقصود=لقاني باللــقاء وجه ولقــــيته باللــقاء درقاء
ورجل يداوي العلة بعلة واحد(ن) نمرود=وانا غيبت له شمس الذنوب وجات من شرقاء
قصرت خطاي من دونه مادام ان الشرك ممدود=ومن يشره علئ موج البحر لاصاحو الغرقاء
اذا صار الخطا وارد من المخطي بغير حدود=فمان الله ياراع الخطا وأأأفضـــل لك الفـــرقاء