ثمن ثلاثين السنه زحمة اوراق=عنوانها التقدير والختم رسمي
ياموطني كم لي وانا البرّك اشتاق=وكم لي ونا ويّاك ماتعرف اسمي
هي قسمتي لالي بكـوره ولانياق=صار الاادب من بين الاقسام قسمي
والى سألت من انت لاخاطري ظاق=تلقى على ساقت مطاياك وسمي

طـاروق ابن حمدان فـي خافـقي واق=كــنّه مسجّـل شــيخـة الفـكـر باسمي
ماهـو الوحيد اللّي معه جـملة اوراق= كم واحدٍ به من عـنا الوقت وسـمي
صحـيح هـاالدنيا مــقـاســيم وارزاق=ميسـور حال وسـاتر الثـوب جـسمي
والحـر يكــفـخ بالـجــناحـيـن لاظاق=والصبــر غـبّـِه للمـناعــيـر دســمي
والوقـت مبـطـي لرّجـاجـيل صـفّاق=والرجـلِ طبعه لاقـسا الوقـت يـسمي
عـسا الـفرج ياتي بعـد جـهـد ورهاق=ويصـيـر للمـوضوع همّـِه وحــسمي
هـــذا وشـفّـي كــل مــانـاض بــرّاق=ون هـل مـن غــر المـزابـيـر وســـمي
اخـذ الحــافـي والـفـضاء فـي مــاضاق=واســج رجـلي وارسـم الدرب رسـمي
مـع خوّة ارجـالٍ لها الطـيب يـنساق=واسـوق معهـم بالمـواجـيـب قـسمي