عشمْتّني عرش الهوى لْبسْت تاجه=حتى ظننت إني مــلك مــن أحـبّه
وفجأه بعد ما صرت لي كل حاجه=أكلتنـي مثل العـنب حـبهّ حـبّه!!
يا حظـي اللي زاد فيك اِعــوجاجـه=يا جرحي اللي كنت حاسيك طبّه
يا همـي اللي ناض برق اِنفـراجه=قبل السحـاب تشـتّه هْبــوب ربّـه
يا صبحي اللي حال دون اِنبـلاجه=الليـل وأنتَه والسهـر و ألف سبّه
مَعَك شعرت إن المشاعـر زجـاجه!!=رمابها غـدر الـزمن فـوق صـبّه!!
دون اِكتراث بقلــب منك اِحتيــاجه=قدر احتيــاج الطفـل ممّـه و ببّـه
عاشك أمـل ؛ واليـاس طفّى سـراجه=عامك بحــر ؛ حولتّبـه جوف غُـبّه
يستاهل اللي كنت له كل حاجه؟؟=جزاه منك ..أكل العنب حبّه .. حبّه!!