يوم احضروا عندي رجال االلزومي =قالو سلام وجبت رد السلامي
قالوا علومك قلت هاذي علومي = دعيتكم للخير واخذوا كلامي
حب الوطن حب المقام الحكومي = والتوصية على احترام النظامي
حب الوطن والحاكم اللي رحومي =هو فعل اهلنا جعلهم للرحامي
ومع حرب تربطنا حقوق ورسومي = توخذ وتعطى بالوفا والتمامي
حربي مع الحربي في كل الهمومى = رفقة حلال ولا يجيها الحرامي
لصاح عمري من عيال العمومي = لتجدة العمري فزعنا قوامي
من بعدها ياطيبين السلومي= صفوا وخلوكم دواما ليامي
سووا لكم لزمة لياجا العسومي = تجمع قبايلكم بدون انقسامي
من قام معنا جعل حظه يقومي = واللي تاخر ننهظه للقيامي
قالوا حضرنا في ملم القرومي = متوافقين ولا نحب الخصامي
داعيك جا يالشبخ وانت محشومي = جينا لداعي شيخنا بانتظامي
حنا اتفقنا باتفاق محزومي= بعهود تلزمنا لكل التزامي
ميثاق سالم من جميع الثلومي = مبدا رجال يحتمون المقامي
قاموا به اللي ماسكين الخطومي = لموا قبايلهم حماة المحامي
امضوا ليالي في حساب الرقومي = وفا الموعد المرسوم جوني شمامي
قالو تمنى قلت لم اللحومي = قالو تراها جت على مايرامي
استر قلبي ثم زادت عزومي= واللي فرح من فرحتي مايلامي
انعم بمن جانا نهار القدومي = الربعة اللي ماسكين الزمامي
ربعي ليا جا الجد ماهم رخومي = وقفاتهم دايم تقص العظامي
فالطيب مقسمهم خيار القسومي = مااحد ينافسهم في راس السنامي
وقت اللقا هم فاركين الخشومي = نخبرفعايلهم لياجا الزحامي
بالمرهفات وحاميات السهومي = ورجال عن ميقافها ماتنامي
لعل ستر الله علينا يدومي = وحكامنا ال سعود معنا دوامي
حاكم عدل بين السهل والرجومي = وبين الحمامة والعقاب القطامي
حاكم عن اللي ماتنومس يشومي= نمشي طريقه طاعة واحترامي
لو قامت الارياح يالغصن تومي = ميقاعنا بين الصفوف الامامي
وصلاة ربي عد كثر النجومي= على رسول الله مسك الختامي