المشاركة الأصلية كتبت بواسطة منصور الغيداني

عـــن شـرهــة الـعـاقـل وذم الـرديـيــن=وقـولـة قــدى والاعـلـى غـيـر قــادي
صديت عن بعض العلوم الملاويـن=عـــلـــوم لـلـعــاقــل تـــعـــل الـــفـــوادي
تـنـاقـلـوهــا حــاســديــن وبـغـيـضــيــن=ماعندهـم مــن عـلـم غـيـر الــدوادي
وانا رجل طبعي مـع العسـر والليـن=ماحـب فـي بعـض العـلـوم التـمـادي
ماهمـنـي هــرج الـــردي والمسـاكـيـن=رجــال عـنـدي عــز نـفـس ومـبــادي
ان جـاتـنـي عـوجــا بـعـيـد وقريـبـيـن=عنها الفجوج اوساع وسط البلادي
لاصــــار مــالــي عـنـدهــم خـابـرٍديــن=الصمـت حكمـه عـن كـلام السـرادي
لــو كــل مسـمـع ثـارنـي يالفهيـمـيـن=شرهـة علـي النـاس حضـر وبـوادي
الـعــام قـدنــا مـعـركـة بـــدر وحـنـيــن=وعــن الحـمـا رديــت كـــل الاعـــادي
رجـحــت بـالـمـيـدان كــــل الـمـوازيــن=السـيـف سيـفـي والكحـيـلـه جـــوادي
ولقيت ضدي نـاس وسـط الفريقيـن=تلـومـنـي وتـقــول مـخـطـي وغــــادي
لاخــذة فــي راي الـرجـال الحكيمـيـن=مابحـث عـن الاخبـار فـي كـل رادي