لذّة النّوم المعافا في سرور=حسرة ٍ فاللي همومه تسهره
الذّي قد شاب في عمر الزّهور=شيّبه بالوقت حاجه تقهره
من همومه ضاق محتار امعثور=دمع عينه هلّ كنّه قنطره
بالغرام ايعفّ لو هو في ضمور=وحاربه بالودّ ناس ٍ تنتره
غايته ماجات بالعزم الجسور=باذل المجهود فوق المقدره
مشكلته انّه لقا بعض الامور=اتضيّق الخاطر بعد ماتكسره
مجتمع بالوقت شوفه شوف عور=عنده الانصاف حسب المكثره
مكثره بالمال هي ساس الظّهور= والكسر بالمال يحصل مجبره
يمدح الرّجال لو حاله يسور=لو غدا بالغدر ضاري خنجره
وذاك لو هو في عهوده مايبور=دام ماله مال شاين منظره
حسبي الله قالها عبدٍ صبور=ومن لجا بالله ربّه ينصره
فيك ياوقت ٍ يدور ولا ندور=يازمن ماتفيد فيك العنّتره