|
حداية الشيخ صالح بن شلاح الهنيدسي وجماعته
سلام جينا ننقل الخطوة على عز وقدر
فالليلة اللي مجتمع فيها رياجيل الفخر
في ديرة الوفيان دار الجود في عسر ويسر
من طيب ممشاهم لهم من اسمهم حظ ونصيب
حرب الحرايب واسمها بين القبايل مشتهر
من سابق الايام دايم في المكان المعتبر
ونعمين في كل القبايل فالبوادي والحضر
واللي حضر شرّف فرحهم من بعيد ومن قريب
الرد
يا مرحبا باللي لفوا منا تراحيب المطر
والليلة اللي تجمع رجال الوفا ليلة بدر
يالشيخ صالح صيتك مع ربعكم طول العمر
لو النجوم تغيب تبقى مجد خالد ما تغيب
دايم قبيلة حرب مشهورة ولله الشكر
حماية الميقاف في الماقف مقابيس الظفر
قلت الحقيقه والحقيقه مثل نقش في الصخر
يا مرحبا وتقولها الوفيان اهل فزعة وطيب
|