ياحارة ٍ شدّيت منكي غصيبه=صعب آتنآساكي ولا يمكن انساك
اجيك متعنّي ولنتي قريبه=والشّوق يدفعني وانا احب طرياك
امشي شوارعكي بشرق ومغيبه=تبكي على اطلالك عيوني لذكراك
ذكرى الحبيب اللي يقدّر حبيبه=لامن طلب لقياه باشره حيّاك
ياما وياما والملاقا صعيبه=دست الخطر ياروح روحي بلقياك
ذاك الحبيب اللي زمانه نحيبه=من بعد لنّي عشت في طيب لاماك
فيه المودّه والونس مايسيبه=حضيض منهو شافك بنور يزهاك
من لامني في حبّكم مادريبه=انه لعدواني غدا سمّ فتّاك
لجله يحشّم ماذكرني بغيبه=واليا مدحني صدق ماهو بنمّاك
وانا عطيته بالصّفا كل طيبه=ويغلا على روحي ولاني بكلّاك
واليوم كل ٍ راح جاله نصيبه=ياليت يالدّنيا حسبنا لممشاك
سنّتك بالفرقا ولاهي غريبه=ان كان جبتي خير شرّك تقفّاك
ياوقت سبّب لي جروح ٍ عطيبه=وش غيّرك ياوقت وش مننا جاك
ليتك ترجّع من ضيري رضيبه=اطلب ومطلوبك يجيلك ويفداك
وياحارتي سادة حواري بطيبه=فيكي هنيت الودّ مع صاحبي ذاك